---::: KERALA SAHITYA AKADEMI :::---

സ്ഥാപനം / ഉദ്ദേശ്യലക്ഷ്യങ്ങള്‍

മലയാള ഭാഷയുടെയും സാഹിത്യത്തിന്‍റെയും വളര്‍ച്ചയും പുരോഗതിയുമാണ് കേരള സാഹിത്യ അക്കാദമിയുടെ പ്രധാന ലക്ഷ്യം. ഇതിനായുള്ള വിവിധ പ്രവര്‍ത്തനങ്ങള്‍ അക്കാദമി ആസൂത്രണം ചെയ്ത് നടപ്പിലാക്കി വരുന്നു.

മലയാളത്തില്‍നിന്ന് മറ്റു ഭാഷകളിലേക്കും മറ്റു ഭാഷകളില്‍ നിന്ന് മലയാളത്തിലേക്കും ഉത്കൃഷ്ട കൃതികള്‍ പരിഭാഷപ്പെടുത്തുക.
സാഹിത്യചരിത്രം, ഗ്രന്ഥസൂചി, സാഹിത്യകാര ഡയറക്ടറി, വിജ്ഞാനകോശം തുടങ്ങിയ റഫറന്‍സ് ഗ്രന്ഥങ്ങള്‍, ഭാഷയുടെയും സാഹിത്യത്തിന്‍റെയും വളര്‍ച്ചയ്ക്ക് ഉതകുന്ന ഉത്തമഗ്രന്ഥങ്ങള്‍ എന്നിവ പ്രസിദ്ധീകരിക്കുക,.
മികച്ച സാഹിത്യ ഗ്രന്ഥങ്ങള്‍ക്ക് പുരസ്കാരങ്ങള്‍ നല്‍കുക.
സാഹിത്യ ശില്പശാലകള്‍ നടത്തുക
യുവസാഹിത്യകാരന്മാര്‍ക്കും വിദ്യാര്‍ത്ഥികള്‍ക്കുംവേണ്ടി സാഹിത്യ പഠനക്യാന്പുകള്‍ നടത്തുക.
ഭാഷയുടെയും സാഹിത്യത്തിന്‍റെയും സംസ്കാരത്തിന്‍റെയും മേഖലയില്‍ ഗവേഷണം പ്രോത്സാഹിപ്പിക്കുക
സാഹിത്യകാരന്മാര്‍ക്ക് പഠനപര്യടനത്തിനും ഗ്രന്ഥരചനയ്ക്കും സ്കോളര്‍ഷിപ്പ് നല്‍കുക, ജനങ്ങളില്‍ സാഹിത്യാഭിരുചി വളര്‍ത്തുന്ന പരിപാടികള്‍ ആവിഷ്ക്കരിച്ച് നടപ്പിലാക്കുക.
പുസ്തകപ്രസിദ്ധീകരണത്തിന് സഹായം നല്‍കുക.
എഴുത്തുകാര്‍ക്ക് സഹായം നല്‍കുക

എന്നിവയും അക്കാദമിയുടെ പ്രധാന ഉദ്ദേശ്യലക്ഷ്യങ്ങളാണ്. കേരള സാഹിത്യ അക്കാദമിയെ ജനകീയവത്ക്കരിക്കുന്ന ശ്രമങ്ങളിലാണ് ഇപ്പോഴത്തെ ഭരണസമിതി ഏര്‍പ്പെട്ടിട്ടുള്ളത്. സാഹിത്യ പ്രവര്‍ത്തനങ്ങള്‍ കൂടുതല്‍ ജനകീയവും നന്മോന്‍മുഖവുമാക്കുന്നതിന് അക്കാദമി പ്രതിജ്ഞാബദ്ധമാണ്.